Lucas小食家: 嘆靚景‧潮食韓國素菜

Lucas小食家嘅粉絲應該都知道，
我一直都係素食餐廳捧場客，
希望可以帶動素食文化俾各位。

海港城 The Joomak 一向都主打新派韓菜，

佢地最近主打新派韓式素食，

幾有心思嫁~

前菜點一個麻醬雪耳沙律，

入面有好多種唔同嘅菜，

最特別有羽衣甘藍同韓國水梨，

為平凡帶點不平凡。

主菜係 板燒未來豬肉漢堡扒生菜包 ，

素漢堡呢排都好流行，呢度可以慢慢煎，

可以自己控制火喉，外脆內軟，

加上新鮮生菜，好Fresh，而且唔會覺Heavy =)

呢款焗芝士番茄未來豬肉丸認真一流，

似肉既程度真係幾可亂真。

加上誘惑既芝士同埋酸甜開胃既蕃茄襯托，好食得黎又唔會太肥膩

呢杯土耳其蘋果茶有埋蜜糖另上，

甜度幾多可以自己決定。

杯茶蘋果香味清幽雅致得黎亦好濃郁。

食完野之後再歎埋呢杯茶，真係賞心樂事