Lucas小食家：銅鑼灣The Sky Bar食西式大餐～

今日拍完成日野同朋友食飯，難得搵到就腳，

價錢合理同啱傾計的餐廳，即刻去試試。

入門口就見到我最愛的飛鏢機，裝修好有歐洲Bistro Feel。

我們都餓到死，今晚食半自助晚餐就岩啦！

做左成日野，又等緊朋友到，

叫杯啤酒Refresh下。

原來呢度超多酒水選擇，

我自己就叫左杯craft beer試下，清

新之餘又冇啤酒花的苦澀味，飯前飲返杯一流。

飯前酒後當然要order頭盤。

我同朋友都係愛生蠔之人，

各叫左珍珠蠔同pacific oyster，

口感較清淡，味道鮮甜，適合為main course開一開胃。

食完生蠔就當然要試下心意十足的自助salad bar，

各式沙律，ham應有盡有。

最抵讚係呢煲蕃茄味十足既意大利蕃茄湯。

香草加鮮蕃茄蓉比例配搭得剛剛好，醒胃之餘又健康。

等左一陣，main course登場。

我同朋友分別叫左海陸拼盤同肉眼扒。

海陸拼盤大蝦用作蟹子吊出新鮮大蝦的鮮味，

蟹子亦吸收左大蝦的味道。

牛柳扒叫medium rare，好難得廚師真係唔會overcook，

入口啖啖肉汁。

食完自己嗰份就當然要偷朋友的肉眼扒試下。

油脂比例分配的剛好，就算叫medium都唔會鞋口。

用grill的方法處理，外層有濃烈的牛肉同油脂香味，內層鎖住肉汁。

食完已經飽飽地，出去睇下有咩甜品食先～

有Cream Brulee, Blueberry Cheese Cake, Chocolate Cake, 泡芙，生果等等。

唔啱食西式甜品可以試下新鮮出爐的豆腐花。

食飽飽當然唔可以齋坐，掟返兩鋪鏢埋單，fit曬

The Sky Bar

銅鑼灣波斯富街99號利舞臺廣場8樓8A舖

T: 24099866

快快like 我的 Ⓕ facebook.com/1ucask

記得要follow 我ⒾG Instragram.com/kan_lucas

和 Subscribe Youtube channel: https://goo.gl/BVodK9